MESSINA FABIO
DONNA ÈRA
Amuri miu, amuri luntanu,
nun ci si’, ma ti tegnu la manu,
curri a-ttia 'u me’ pinzeri,
sintimentu ri oggi e r’aieri.
Chi facissi iu pi tia,
pi truvari lu misteru e la via,
'a strata rô cielu e râ terra,
'a luci e 'u scuru, la paci e la verra.
Ccu tia ancora nâ l’isula filìci,
tegnu addumatu lu focu i lu cori,
nê sònni râ notti ti tegnu ccu mia,
nâ virità ri lu jornu addiventi puisia.
Cuàli tempu e cuàli spazziu,
po’ darimi ri tia virtu’ e vizziu,
nenti si inchi ri lu to’ vacanti,
nâ la menti ri st’essiri pinzanti.
Taliu 'u mari, 'i stiddi e la me’ anima
e tu cumpàri comu 'n fantàsima ,
m’abbasta pinzariti nta li ricordi spirduti,
pi virìriti luntanu ca mi saluti.
E na ogni cosa ccu li to’ occhi viru
e ccu li to’ aricchi ascutu la vita,
ccu li to’ manu toccu 'a virità
e ccu lu to’ nasu ciaurìu 'i ciuri ,
tastu l’amuri ccu la to’ vucca
e sentu vicina la to’ anima ricca.
DONNA ÈRA
Amore mio, amore lontano,
non ci sei, ma ti tengo la mano,
corre a te il mio pensiero,
sentimento di oggi e di ieri.
Che farei io per te,
per trovare il mistero e la via,
la strada del cielo e della terra,
la luce e il buio, la pace e la guerra.
Con te ancora nell’isola felice,
tengo acceso il fuoco del cuore,
nei sogni della notte ti tengo con me,
nella realtà del giorno diventi poesia.
Quale tempo e quale spazio,
può darmi di te virtù e vizio,
niente si riempie del tuo vuoto,
nella mente di questo essere pensante.
Guardo il mare, le stelle e la mia anima
e tu compari come un fantasma,
mi basta pensarti tra i ricordi sperduti
per vederti lontano che mi saluti.
E in ogni cosa con i tuoi occhi vedo
e con le tue orecchie ascolto la vita,
con le tue mani tocco la verità
e con il tuo naso annuso i fiori,
assaggio l’amore con la tua bocca
e sento vicina la tua anima ricca.