A LU MATINU

A LU MATINU

A lu riverbiru
di li spichi abbruscicati (1)
ncapu a la chiana larga e brulenti(2)
scinni la sira
e scinni di la roggia (3)
l'acqua
- stizza a stizza  -
lentamente abbacannu (4) antichi arsuri.

Nuddu tappitu virdi'ntornu
p'arrinfrancari lu passu
nè perni acquazzunati (5)

Nuddu volu arricama l'aria
nuddu cantu..

Quali pena
ncuma l'ali a l'aceddi?
quali gruppu
astuta la vuci a la fantasia?

Puntano l'occhi la terra nsunnacchiata
e si fannu
- araciu araciu -
prijiera

1)  spighe gonfie e mature  2)  che brucia
3)  canalone 4)  abbeverando
5)  perle con rugiada