– autore: Lucio Giunta
RICORDANDO ROSA 2023″ – sezione CANZONI
SUSITIVI GARZUNA
Sintu rumura intra li vattali,
ma forsi s'arriminunu l'armali
mi susu cumu un griddu di lu crinu
pi vidiri cu avi sbaddu a stu matinu
i mutu mutu fazzu ucciaredda
di ne dda ncaglia ca c’era na purtedda
‘ntra lusciu e scuru si vidunu l’ummiruna
ca la luna li sbersa a li stadduna
Susitivi susitivi garzuna
setti ca vanu all’acqua a la funtana
setti ca v’hanu a ‘mpastunu lu pani
setti ca dununu virsu a ssi latruna (2 volte)
Oh matri vergini, cu tutti li santi!
dda fori ci sunu li briganti
e cumu fazzu, chiddri sunu tanti!
chisti m'ammazzunu subitu all'istanti
tutta na vota mi vinni na pinsata
mi mintu a fari vuci ne la sciata
fazzu finta di chiamari li garzuna
ppi fari iri dda sarma di latruna
susitivi susitivi garzuna… (2 volte)
Ma quantu sunu, dissiru i briganti
scapparru tutti cu li manu vacanti
da iacca divintarru chiu’ picciddri
u scantu alluntano’ di ne li staddi
co trimulizzu dissi:”chi fortuna”
scapparru tutti dda sarma di latruna
minchia chi scantu haju ancora i turciniuna
c’e’ diri grazii a tutti ddi “garzuna”
susitivi susitivi garzuna… (2 volte]
ALZATEVI GARZONI
Sento rumori fuori nella fanghiglia
forse sono gli animali che si muovono?
mi alzo come un grillo dal cesto
per vedere chi vuole fare scherzi indesiderati
oggi, io zitto zitto guardo di nascosto
dalla fessura che c’e’ nella porta
tra luce e buio si vedono grandi ombre
che la luna li va vedere nella stalla
Alzatevi alzatevi lavoratori
sette vanno a prendere l’acqua alla fontana
sette vanno ad impastare il pane
sette che stanno attenti a questi ladri
Oh madre vergine con tutti i santi
fuori ci sono i briganti
e come faccio, sono tanti!
questi mi ammazzano all’istante
ad un tratto mi è venuta un’idea
grido a gran voce nella strada
faccio finta di chiamare i lavoratori
per fare andare tutti quei ladroni
alzatevi alzatevi lavoratori… … (2 volte)
Ma quanti sono, dissero i briganti
e fuggirono tutti a mani vuote
dalla paura diventarono piccolini
e lo spavento si allontano nelle stalle
tutto ancora tremolante dissi “che fortuna”
sono scappati tutti quei ladri
che spavento, ho ancora mal di pancia
devo dire grazie a tutti questi “lavoratori”
alzatevi alzatevi lavoratori… … (2 volte)