registrazione effettuata a casa di Peppe Filippone
BALLATA PER PEPPE FAVA
Ah! Ah! Iddu beddu addivintà
Ah! Ah! mai mori la verità.
Nun si ponnu chiù cuntari
quanti figli hannu ammazzatu
chista è storia d’imparari
finu a quannu resta ciatu,
chista è storia d’imparari
finu a quannu resta ciatu
Ammazzaru a Peppi Fava
na Sicilia che parlava
e muriu n’atru ‘nnuccenti
vuci muta di la genti
e muriu n’atru nnuccenti
vuci muta di la genti.
Ah! Ah! nun s’ammazza la libirtà
Ah ah nè l’idea, la vuluntà
E junceru na matina
vinni ca da un parenti
‘nterra fu la so ruvina
p’addifenniri la genti,
‘nterra fu la so ruvina
p’addifenniri la genti.
Mancu nenti fa pi nenti
spara e ammazza li ‘nnuccenti
Ah ah nun s’ammazza la libirtà
nè l’idea e la vuluntà.
Sangu russu ‘nterra sta
sangu russu ca e ddra,
nun s’ammazza la libirtà
nè l’idea e la vuluntà,
nun s’ammazza la libirtà
nè l’idea e la vuluntà
Mentri canta lu me cori
c’è na luci ca lucia
né turmentu né duluri e né turmentu
la scuscenza unn’ava abbentu
Ah! Ah! Iddu beddu addivintà
Ah! Ah! nun s’ammazza la libirtà
Ah! Ah Resta viva la virità
Resta viva la virità
Resta viva la virità
Registrazione effettuata da Peppe Filippone che ringraziamo per il lavoro di raccolta delle canzoni di Rosa Balistreri.
Bellissimo canto inedito in memoria di Peppe Fava, il giornalista catanese ucciso dalla mafia per aver rivelato i loschi affari dei mafiosi.
Rosa si schiera da parte del giornalista e contro la mafia, pur sapendo della pericolosità di questi uomini d'onore. Il suo atteggiamento controm la mafia è fermo, deciso, senza se e senza ma e lo canterà nelle piazze, nelle feste dell'Unità ed in tutti i concerti.
Nicolò La Perna