PASSIANNU PASSIANNU

PASSIANNU PASSIANNU


Parinu pittati li trazzeri

chini di maj d’oru e ciuri rari;

a longu iu mi fermu a taliari

li mura a siccu e l’antichi pirreri.

Na stizza m’addiventa lu cori

quannu vidu li trappita sdirrupati

senza massari lesti e ‘nfacinnati

‘nmenzu l’alivi mentri lu suli mori.

‘Nta la menti sunnu vivi li culura

re carretta a catanisi ‘ntarsiati

e lu scappisiari re muli gnaviati

supra li basuli lisci di petra dura.

Ora vidu ‘nluntanza i casiggiati

re cavalieri buriusi e straputenti

e un campanaru mutu senza genti

vulutu re marchisi assai priati.

E mi ‘nni vaju siddriatu ppi li strati,

poi pensu, ripensu e mi dicu:

“I tempi passati erunu abbramati

sulu picchì ancora erutu nicu”.

PASSEGGIANDO, PASSEGGIANDO

 
Sembrano disegnate le trazzere

piene di crisantemi gialli e fiori rari;

a lungo io mi fermo ad osservare

i muri a secco e le vecchie cave.

Il cuore mi diventa una goccia

quando vedo i frantoi abbandonati

senza massari premurosi e indaffarati

tra le olive quando il sole muore.

Nella mente sono vivi i colori

dei carretti dipinti alla catanese

e il camminare dei muli eccitati

sulle basole lisce e di pietra dura.

Ora vedo in lontananza le ville

dei cavalieri boriosi e prepotenti

e un campanile muto e senza gente

voluto dai marchesi molto orgogliosi.

Me ne vado triste per la strada,

poi penso, ripenso e mi dico:

“I tempi passati erano desiderati

solo perché ancora eri piccolo”.