PARTI LA MATINA

PARTI LA MATINA

Parti la matina prestu

a travagghiari lestu

ccu armu e ccu suduri

cuntintizza a tutti l'uri.

Pensa sempri a so' Maria

cchi figghi 'n cumpagnia,

ma ppi tirari avanti

ppi forza uri tanti.

Non torna cchiù stasira

'a corda cchiù non tira,

disgrazia capitau

e 'a vita ci appizzau.

Chiama 'a to Maria

cchi figghi sempri a tia

e grida la so' pena

ccu vuci di sirena.

Ti chiama e mai si stanca

'a vuci ora ci manca

e dici e' picciriddi

ca tu si ccu li stiddi.

E quannu 'n celu varda

lu cori so' nun tarda

a sintiri 'a to' vuci

ca forti binidici

e 'o munnu manna a diri

non è accussì ca a jiri,

e 'u travagghiu dici puru

ci voli cchiù sicuru.