– autore: Nino Bellia
RICORDANDO ROSA 2022″ – sezione POESIE
ZÀGARI E ARÀNCI
‘Nta ‘ddu misi d’aprili e ancora a maggiu
quannu l’aria è tutta ‘n sposalizziu
‘ntô chiaru ‘i luna va muntannu ‘u mari
e ‘u frummentu di notti a -nnotti crisci.
‘U merru fa di sintinella, e frisca
arrusbigghiannu 'i passiri e 'i cristiani
prima dô jornu, iddu stissu agghiorna
picchì canusci ‘i-rrèuli dê stiddi
e ‘u-rriloggiu dô munnu, comu batti.
E fa ‘ccussì macàri ‘u riscignolu:
‘ntra scuru e lustru,‘rapi l’officìna
comu bannèri sbintulìa canzuni
e si-nni sta ‘nfrattatu ammenzu ê fogghi,
ca tutti ‘u sentunu e nuddu 'u viri mai.
Tannu m’accàpita di caminari
‘ntê campagni, furriannu appressu ê cani.
E passannu ‘i carrati dê giardini
‘n ciauru di zàgari c’allarga ‘u pettu
mi fa-gghisàri l’occhi e viru carrichi
di ciuri ‘i pianti, e anzemi ê ciuri ‘i frutti
ca mi-nni fazzu maravigghia e arrìru:
com’è ca ‘u tempu va scilannu avanti
ppi tutti passa primavera, e sicca
‘a zenia e ‘a saja unni curreva l’acqua,
e ‘nveci l’arvuli di ‘stu giardinu
projunu aranci ancora-rrussi e duci?
e già su’ cummigghiati di prùvuli
janca, pariggia, ‘na sbrizziata ‘i nivi
‘na sfarinata di simenza e manna?
Talìu ‘stu purtentu e pigghiu spuntu.
Ora c’aumentu d’anni e di stanchizza,
mi pari chista ‘a strata ppi dumani:
iù vogghiu assumigghiari a ‘stu giardinu
(‘n arvulu sulu no, ma tutti anzemi
ca suli non si campa e non si mori):
senza tempu, fora tempu, e sempri
arrialàri l’urtima ricôta
ancora siminari a-ssimineriu.
E zagara mi fussi 'sta jancura
ca fa lucenti 'i me' capiddi bianchi
cìnniri 'i focu c'addumava 'i notti
novu vattìu ppi n'autra carusanza.
FIORI DI ZAGARA ED ARANCE
In aprile, e fino alla fine di maggio
quando l’aria è tutta una festa nuziale
sotto il chiaro di luna si alza la marea
e il frumento durante la notte cresce.
Il merlo fa da sentinella e fischia,
svegliando passeri e persone
prima che la notte sia finita, lui stesso
anticipa il giorno perché conosce le
regole delle stelle e il pulsare dell’orologio
del mondo. Fa altrettanto pure l’usignolo:
tra buio e luce, apre la sua officina
sventola canzoni come bandiere
e resta nascosto tra il fogliame
tutti lo sentono, nessuno lo scorge.
E’ allora che mi capita di camminare
per le campagne, in giro, dietro i miei cani.
E attraversando le stradine sterrate degli
agrumeti un profumo di zagare che allarga il
petto mi fa alzare lo sguardo e vedo gli
alberi carichi di fiori e insieme ai fiori i frutti
tanto che mi stupisco e sorrido:
come mai il tempo scivola via
per tutti passa la primavera, seccano
la noria (il pozzo) e il canale in cui scorreva
l’acqua e invece gli alberi di questo giardino
offrono arance ancora rosse e dolci?
e già sono coperte di una polvere bianca,
omogenea, una spruzzata di neve
una sfarinata di semi e di manna?
Guardo questo portento e ne prendo spunto.
Ora che cresco negli anni e nella stanchezza
questa mi sembra la via per il mio domani:
vorrei somigliare a questo giardino
(non un solo albero, ma tutti insieme,
che da soli non si vive e da soli non si muore):
senza tempo, fuori tempo, sempre
regalare l’ultima raccolta
e seminare ancora, a piantagione.
E possa essere zagara questo biancore
che rende luminosi i miei capelli bianchi
cenere di un fuoco che illuminava le notti
nuovo battesimo per una nuova giovinezza.