SUGNU ARRAGGIATU

SUGNU ARRAGGIATU!

Sugnu arraggiatu picchi stu munnu

maravigghiusu, genti sienza scupuli,

a picca a vòta, u sta distruggennu,

e m’arrizzanu i carni pinsannu

a comu sta finennu.

 
Genti! Su ‘nu capiti stamu esagirannu,

stamu tirannu troppu a corda,

ni stamu ammazzannu chi nostri

manu picchi un taliamu chiù cu

l’occhi da cuscienza.


Certi voti vulissi ritunari picciriddu

pi taliari du munnu chinu di spiranzi,

cu terra virdi e rigugliusa, chi scùrriva

lestu fora do finistrinu do trenu, ca mi

lassava maravigghiatu e senza ciatu.

 
Chi tristizza! Quantu sugnu arraggiatu!

Nuddu capisci chi disatru stamu

cumminannu, e mancu capisci ca

chista è a terra, accussi si dici e si

dirà sempri, di nostru Signuri,

ca na retti no pi distruggilla ma,

 pi camparici.

 
Chi omini strani chi semu, facemu

tuttu a riversa, comu i foddi, i cosi

tinti ni tinemu e i cosi boni i jittamu.

Viniramu nostru Signuri invisibile, 

e distruggemu a natura visibile.

Mah! Forsi era megghiu quannu

si stava peggiu, viremu comu

finisci; sempri ca ci campamu!

SONO ARRABBIATO!

Sono arrabbiato perché questo mondo

meraviglioso, persone senza scrupoli,

a poco alla volta, lo sta distruggendo,

e mi si accappona la pelle pensando

a come sta finendo.


Signori! Se non lo capite stiamo esagerando,

stiamo tirando troppo la corda,

ci stiamo uccidendo con le nostre

mani perché non guardiamo più con

gli occhi della coscienza.


Certe volte vorrei ritornare ragazzino

per guardare quel mondo pieno di speranze,

con la terra verde e rigogliosa, che scorreva

rapido fuori del finestrino del treno,

che mi lasciava meravigliato e senza fiato

 
Che tristezza! Quanto sono arrabbiato!

Nessuno capisce che disastro stiamo

combinando, e neppure capisce che

questa è la terra, così si dice e si

dirà sempre, di nostro Signore,

che ce la donò non per distruggerla,

ma per viverci.

 
Che uomini strani che siamo, facciamo

tutto alla rovescia, come i pazzi, le cose

cattive ce li teniamo, e le cose buone le buttiamo.

Veneriamo nostro Signore invisibile,

e distruggiamo la natura visibile.

Mah! Forse era meglio quando

si stava peggio; vediamo come

finisce; sempre se viviamo!