– autore: Giuseppa Conte
RICORDANDO ROSA 2022″ – sezione POESIE
PIRRIJATURI E CARUSI DI PIRRERA
Nesci amarijatu a notti funna
cu lu scuru, lu friddu e ccu la neglia,
tantu scantu lu cori cci attanaglia,
lu so travagliu è cchiù tintu di 'na guerra.
Frasturnatu fa tanti pinsera,
dici: cu la vuccuzza amara:
Mi truvu 'nghiusu ccà nni sta pirrera,
tirannu petri gialli comu l'oru,
pi lu pani e lu niuru bisugnu
usu lu picu e muru di fatica,
ijttu sudura e lacrimi di sangu
viju la morti ca voli la ma vita.
Cci su carusi scanzi e mizzi nudi
'n-funnu a stu pirtusu a travagliari,
nun hannu né svagu e né carizzi
su comu tanti armali a faticari.
Parimmu tanti scecchi a lu mulinu
'mpajati a la mola a firrijari,
pirrijatura e 'mberbi 'nnuccenti
nun havimmu cchiù la forza di hiatari.
Nni stu pirtusu, cc'è tantu patiri,
ogni rumuri, ccà, nni fa scantari.
Oh! Matri Addulurata, o matri mia,
falla passari lestu sta jurnata,
alleviani ogni tantu sta fatica,
tinini striiti a lu tò cori affrantu
si ttu ccà intra la nostra sula amica,
asciucani l’ucchi di st'amaru chiantu.
Quannu sintimmu quarchi scricchiuliju
nun sapimmu unni curriri e scappari,
vidimmu la nostra vita appisa a un filu
pinsammu a la mammuzza e chiamammu Diju.
Spirammu di nun lassari ccà la nostra vita,
stu tribulu un jurnu hav'appassari,
pi lu pani amaru patimmu sta minnica,
lu surfararu Diju hava aiutari.
PICCONIERE E RAGAZZO DI MINIERA
Esce scontento a notte fonda
con il buio, il freddo e con la nebbia,
la paura il cuore gli stringe,
il suo lavoro è più brutto di una guerra.
Frastornato fa tanti pensieri,
dice: con la bocca amara:
Mi trovo chiuso qua in questa miniera,
tirando pietre gialle come l'oro,
per il pane e il vero bisogno
uso il piccone e muoio di fatica,
butto sudori e lacrime di sangue
vedo la morte che vuole la mia vita.
Ci sono ragazzi scalzi e mezzi nudi
infondo a questo buco a lavorare,
non hanno né svago e né carezze
sono come animali a faticare.
Sembriamo tanti asini al mulino
legati alla mola per girare,
picconieri e imberbi ragazzi
non abbiamo più la forza di fiatare.
In questo buco c'è tanto patire,
ogni rumore ci fa spaventare.
Oh! Madre Addolorata, o madre mia,
falla passare in fretta questa giornata,
alleviaci ogni tanto la fatica,
tienici stretti al tuo cuore affranto
sei tu qua dentro la nostra sola amica,
asciugaci gli occhi di questo amaro pianto.
Quando sentiamo qualche scricchiolio
non sappiamo dove correre e scappare,
vediamo la nostra vita appesa ad un filo
pensiamo alla mamma e chiamiamo Dio.
Speriamo di non lasciare qui la nostra vita,
questa tribolazione un giorno deve passar
per il pane amaro patiamo la fatica
il minatore Dio deve aiutare.