– autore: Giuseppe Macauda
RICORDANDO ROSA 2022″ – sezione POESIE
N’ACIDDRUZZU A LU STRAVENTU
Nun mi parunu finti
Ii paroli ca a iddru canti,
ma sunnu lami tinti
ppi lu me cori amanti.
Li to biddrizzi rari
li spasimanti allammicati
‘ntornu a tia fannu firriari,
comu farfalledri alluciati
ca dintra lu lumi vannu a finiri.
Passu la me vita dispiratu,
picchì a to vuccuzza iu vulia,
e chianciu spissu scunfurtatu
quannu pensu a vintura mia.
Fui un liuni rispittatu
in ogni postu e dintra la via
e ora c’annammuratu
sempri di cchiù sugnu di tia,
n’aciddruzzu a lu straventu
supra na rama c’abbannulia
ccu l’ali friddi iu mi sentu.
UN UCCELLINO AL VENTO
Non mi sembrano finte
le parole che a lui canti,
ma sono lame perfide
per il mio cuore amante.
Le tue bellezze rare
gli spasimanti desiderosi
intorno a te fanno girare,
come farfalline abbagliate
che dentro il lume vanno a finire.
Passo la mia vita disperato
perché volevo la tua boccuccia
e piango spesso sconfortato
pensando al mio destino.
Sono stato un leone rispettato
in ogni luogo e nella via
e ora che innamorato
sempre di più sono di te,
un uccellino al vento
sopra un ramo che oscilla
con le ali fredde io mi sento.