– autore: Giovanni Palumbo
RICORDANDO ROSA 2022″ – sezione POESIE
A MUSICA D'U SILENZIU
E' notti e dormi u me paisi,
A luna curri mmezzu li nuvuli bianchi,
u ventu liggeru trasi e trapassa a me vita
purtannu ciauru di terra cotta
e d'erba abbrusciata
svapurati d'a calura d'u jornu pirdutu.
E iu cuntemplu...
libbiru d'i me pinzera:
stu friscu sciame sciaurusu di l'aria
ca trapassa duci u me corpu
e nutri l'arma e sciala u cori
cu sta bella mùsica d'u silenziu assai rara.
Chista è canzuna!
Chista è aria!
ca fa scurdari tutti i pinzera di la menti.
La menti di la genti niura:
cafuddrata di tassi e sta 'n silenziu.
Mi sèntu filici di stari cca ni sta cappa:
di tastari stu mumentu accussì raru
e di sbarrari 'n celu... stu saccu di pinzera.
Vulissi firmari stu 'mpitusu tempu,
vulissi ‘mmurtalari stu mumentu
vulissi ristari sempri ni stu statu
vulissi natari sempri ni stu mari quetu.
LA MUSICA DEL SILENZIO
E' notte e dorme il mio paese.
La luna corre fra le nuvole bianche,
il vento leggero entra e trapassa il mio corpo
portando profumo di terra cotta
e di erba abbrustolita
svaporate dalla calura del giorno andato.
Ed io contemplo...
libero dai miei pensieri:
questo fresco sciamare profumata dell'aria
che trapassa dolcemente il mio corpo
e mi nutre l'anima e mi sciala il cuore
con questa bella musica del silenzio molto rara.
Questa è canzone!
Questa è aria!
che fa dimenticare tutti i pensieri dalla mente.
La mente della gente nera:
bastonata di tasse e sta in silenzio.
Mi sento felice di stare qua sotto questa cappa:
di gustare questo momento così raro
e di svuotare nel cielo... questo sacco di pensieri.
Vorrei fermare questo impetuoso tempo,
vorrei immortalare questo momento
vorrei restare sempre in questo stato
vorrei nuotare sempre in questo mare quieto.