– autore: GIOVANN PULCI – legge: Grazia Tosto
RICORDANDO ROSA 2023″ – sezione POESIE
DISÌU DI PACI
Ammucciativi! Curriti suttaterra
di ‘ncilu la morti s’arrizzola,
stringitivi forti a li carusi!
Signiruzzu chi succedi
ci su foddri ca fannu ancora guerra.
L'occhi su asciucati
di lacrimi arrubbati di lu scantu.
La vucca è sicca
abbuttata di cicoria e di fami,
lu furmintu scrapisatu di surdati.
Lu pani ammanca,
l'acqua ni vagna
ma sulu quannu chiovi.
Finiti di spararini di ‘ncoddru
la vita è amuri, jè stanca.
‘Na picciliddra preja Diu:
«pirchí nun viju cchiù a ma matri,
pirchí ma patri jè a lu frunti.
Dunaci la spranza e lu rispiru
e di la paci a li sovrani lu disìu».
Simmu attaccati ccu li cordi
ccu lu jornu scuru e senza suli
arrinnuti a lu luttu senza fini.
C’è lu munnu ca talìa di ‘na banna
di l’atra è putiri ca fa sordi.
L'ossa di li carni su spirduti
ccu duluri straviati di li bummi.
Cu campa nun jè mai furtunatu
chianci ncapu un marmu li parinti
curcati sutta l’arbuli pizzuti.
DESIDERIO DI PACE
Nascondetevi! Correte sottoterra
dal cielo cadono le bombe,
stringetevi forte ai bambini!
Signore che succede
ci sono pazzi che fanno ancora guerra.
Gli occhi sono asciutti
di lacrime rubate dalla paura.
La bocca è secca
saziata da cicoria e fame,
i campi di grano calpestati dai soldati.
Il pane manca,
l’acqua ci bagna
ma solo quando piove.
Smettetela di spararci addosso
la vita è amore, è stanca.
Una bambina prega Dio:
«Perché non vedo più mia madre,
perché mio padre è al fronte.
Dacci la speranza e la voglia di vivere
e ai dominatori il desiderio di pace».
Siamo legati con le corde
con il giorno buio e senza sole
arresi al lutto che non ha fine.
c’è il mondo che osserva da una parte
dall’altra c’è potere che fa soldi.
I cadaveri sono disseminati
con dolore sparpagliati dalle bombe.
Chi sopravvive non è mai fortunato
piange sulla tomba dei propri cari
seppelliti sotto i cipressi.