– autore: Giovanni Canzoneri
RICORDANDO ROSA 2022″ – sezione POESIE
OCCHI DI PICCIRIDDI
(Ai bambini vittime delle guerre)
Mi talìanu, ddì occhi,
sicchi, friddi e addulurati,
mi talìanu e nun parranu,
chini ʼi sangu… astutati.
Sunnu munchi, lordi, giarni,
sutta ʼi petri ʼi balatuna,
da li pisci manciata la carni,
vunci pì pitittu e ammoddu all’acqua
sutt’a luna.
Manu, cori, vrazza e rini
mi scippassi p’ajutalli,
o spardarimi li vini,
a panareddu, poi, ʼntrizzalli,
e muccuna iu mittìri
di la mè filici vita,
pì canciari lu suffrìri
cu cuttuni e fini sita.
E ddì occhi mi talìanu,
e mi leggiunu ʼi pinseri,
mi surridunu, mi parranu,
li talìu, su sinceri.
La tò vita… nun è ʼna vogghia,
né li manu, c’allisci e pigghi,
abbisogni a la tò famigghia,
tu stai bonu cu li tò figghi.
La tò vucca nui vulemu,
la tò vuci, lu tò diri,
accussì nui nun muremu,
arristamu sempri vivi.
OCCHI DI BAMBINI
Mi guardano, quegli occhi,
secchi, freddi e addolorati,
mi guardano e non parlano,
pieni di sangue… spenti.
Sono monchi, sporchi, pallidi,
sotto le pietre i massi,
dai pesci mangiata la carne,
gonfi per la fame e ammollo all’acqua
sotto la luna.
Mani, cuore, braccia e reni
mi staccherei per aiutarli,
o mi strapperei le vene,
e intrecciandole, ne farei un paniere,
poi metterei bocconi
della mia felice vita,
per cambiare il soffrire
con cotone e fine seta.
E quegli occhi mi guardano,
mi leggono i pensieri,
mi sorridono, mi parlano,
li guardo, sono sinceri.
La tua vita… non è un capriccio,
né le mani, che accarezzi e prendi,
bisogni alla tua famiglia,
tu stai bene con i tuoi figli.
La tua bocca noi vogliamo,
la tua voce, il tuo dire,
così noi non moriamo,
restiamo sempre vivi.