– autore: Vincenza Vacanti
RICORDANDO ROSA 2022″ – sezione POESIE
I FIMMINI
Sunnu sempri i primi a capiri
si na cosa è bona o l'hannu a ghittari,
s'hannu a ridiri oppuri gridari.
I fimmini hannu 'na spina nto cori
quannu qualcunu i tradisci n'amuri.
Iddi amanu senza parrari,
vannu 'n chiesa a priari,
suppurtanu guai e duluri,
ridennu p'un fari rumuri.
I fimmini cunsolanu i figghi,
abbrazzanu forti i mariti,
stanchi di travagghiari,
ma tutti l'hannu arrispittari.
LE DONNE
Sono sempre le prime a capire
se una cosa è buona o la devono buttare,
se devono ridere oppure gridare.
Le donne hanno una spina nel cuore
quando qualcuno le tradisce in amore.
Esse amano senza parlare,
vanno in chiesa a pregare,
sopportano guai e dolori,
ridendo per non fare rumore.
Le donne consolano i figli,
abbracciano forte i mariti,
stanchi di lavorare,
ma tutti le devono rispettare.